Banner

اوس نو ټول وايوو سندرې

02.07.2009 20:51

 

بابا!

ښه دي و ويلي

اوس زه هم يوازې نه يم

د دې ښار يو څو ځوانان

چې ورو، ورو مې شو ياران

چې به خواته كله راغلل

د پښتون د مركو په شان به ناست وو

ستا د دور د جرګو په شان به ناست وو

يو به غږ كړ:

اې احساسه!

ولې غلى راته ناست يې

ته خو وكړه ها خبرې

ها خوږې لكه شكرې

دوى به غوږ شول

ما به پيل كړلې سندرې 

بابا!

ښه دي و ويلي

اوس زه هم يوازې نه يم

اوس مې هغه ټول ياران

بس هر يو لري جانان

اوس چې كله سره كېنو

د پښتون دمركو غوندې را تاو شوو

ستا د دور د جرګو غوندې را تاو شوو

اوس نو دوى هم كړي زما غوندې خبرې

ها خوږې لكه شكرې

اوس نو ټول وايوو سندرې

بابا!

ښه دي و ويلي

كه خوشال سره يې تېر كړل يو څو كاله

دا د غره خټك به واړه شاعران شي  

                                                                

 د غبرګولي۵مه، ۱۳۸۸لمريز

لرغونى بلخ


Online Casino Hong Kong | chatbox | SHAVING CREAM | fx trading | GOLDENPALACE